Jinsi Ya Kutengeneza Juisi Ya Melon Na Embe

Vipimo

Tikiti la asali (honey melon)                       1

Unga wa embe au embe                            1

Tangawizi                                                 1 Kijiko

Ndimu                                                      1

Sukari                                                      ¼ Kikombe cha chai

Arki rose                                                   2 Matone

Namna Ya Kutayarisha

1.     Limenye melon na ulikate kate kisha tia kwenye blender

2.     Tia unga wa embe au embe iliyokatwa katwa

3.     Kisha tia ndimu iliyokatwa vipande kiasi pamoja na maganda yake

4.     Halafu weka sukari

5.     Saga vizuri hadi ilainike

6.     Mimina kwenye jagi kisha tia matone mawili ya arki rose ukoroge na tayari kwa kunywewa

Kidokezo:

Ukiweka ndimu weka na maganda yake unapata ladha nzuri zaidi.

JINSI YA KUTENGENEZA KEKI YA MAZIWA

• Keki

Vipimo

Siagi                                                               Kikombe 1

Sukari                                                             Kikombe 1 

Unga                                                               Vikombe 2 

Maziwa                                                           1/2 (nusu) Kikombe 

Mayai                                                              4

Baking Powder                                                1 Kijiko cha supu

Arki rose                                                           kidogo

Namna Ya Kutayarisha Na Kupika

1.                      Washa oveni 350 - 400 Deg C liache lishike moto huku ukitayarisha mchanganyiko wa keki.

2.         Changanya sukari na siagi mpaka ichanganyike.

3.                       Mimina mayai na maziwa uchanganye vizuri.

4.                       Mimina Baking Powder kwenye unga na uchanganye vitu vyote pamoja na arki rose.

5.                       Endelea kuchanganya vizuri mpaka uhakikishe vimechanganyika vizuri (unaweza kufanya bila ya mashine)

6.                       Chukua trey ambayo haitojaa ukiimimina, ipake siagi na umimine mchanganyiko wako. Treya isiwe nzito sana au nyepesi sana bali iwe wastani.

7.                       Ipike (Bake ) mpaka iwive.

8.        Epua iache ipoe ndio ukate kate vipande.